Энэ зун трэнд болох 8 хувцас загвар

Хувцас загварын трэнд цаг үргэлж өөрчлөгдөж байдаг. Дэлхийн томоохон загварын брэндүүд загварын шоугаараа дараах хувцас загваруудыг онцолсон байна.

Ингээд ирэх зуны трэнд болох, таны хувцасны шүүгээнд байх ёстой 8 хувцсыг танилцуулж байна.

1. Үдэшлэг хэв маяг

Өдөр бүрийг үдэшлэг мэт өнгөрүүлэх 70-аад оныг санагдуулам хиппи, тод цулгуй өнгүүд энэ жил эргэн ирлээ. Алдартай одууд аль хэдийн энэхүү загварыг сонгон өмсөх болжээ.

2. Торон хувцас

Таны хувцаслалтанд бага зэргийн торон хэсэг ороход л хангалттай. Зуны халуун өдрүүдэд сэрүүхэн байхын зэрэгцээ таныг загварын мэдрэмжтэй харагдуулах болно.

3. Цагаан топ

Цагаан өнгийн топ ямар ч хувцаслалт дээр төгс тохирдог. Цулгуй цагаан өмд, жийнс, юпка гээд та аль ч хувцсан дээр тохируулж өмсөх боломжтой.

4. Хайчилчихсан мэт хувцаслалт

Энэ тэндээс нь хайчлаад авчихсан юм уу гэмээр сонирхолтой загвартай хувцас ирэх зун трэнд болно. Магадгүй танд эвгүй санагдаж болох ч ирэх зун ингэж хувцасласан хүмүүс гудамжаар дүүрэх болно.

5. Олон өнгийн хослол

Уйтгартай нэгэн хэвийн өнгөтэй хослол өмсдөг цаг ард хоцорсон. Зөөлөн пастел олон өнгийн хослолууд ямар ч хүнийг гайхалтай харагдуулна.

6. Өргөн өсгийтэй углааш

Цулгуй, хиппи маягийн цэвэрхэн углааш хөлд эвтэйхнээс гадна ямар ч хувцастай тохирно.

7. Харандаа юпка

Харандаа маягийн шулуун, бариу юпка 90-ээд оноос эргэн ирлээ. Доогуураа жижиг өсгийт өмсөж биеийн харьцаагаа тэнцүүлэхээ мартаж болохгүй.

8. Шигтгээ гоёлууд

Өвөрмөц загвартай цүнх, содон бугуйвч, хачирхалтай гэмээр малгайгаар өөрийгөө гоёх цаг иржээ.

error: Мэдээлэл хамгаалагдсан !!