Английг зорих жуулчдын заавал үзэх ёстой 8 газар

Англид Викторийн үеийн барилгуудаас эхлээд Лондон дахь орчин үеийн архитектурын гайхамшигт газрууд, Сассексийн хадан хясаатай эргээс Камбриа дахь нуурын дүүрэг хүртэл олон тооны гайхалтай үзмэрүүд байдаг.

Гайхамшигтай архитектур, дэлхийд алдартай музей эсвэл сэтгэл хөдөлгөм байгальд аялах дуртай эсэхээс үл хамааран Англид анх удаа очиж байгаа болон туршлагатай аялагчдад зориулж дараах 8 газрын онцолж байна.

1. Биг Бен

Лондонд үзэх ёстой зүйлсийн жагсаалтын эхэнд Парламентын ордон, Биг Бен гэгддэг Элизабет цамхаг багтдаг. 2012 он хүртэл Элизабетын цамхагийг Цагийн цамхаг гэж нэрлэдэг байсан ч Очир эрдэнийн ойг тэмдэглэсэн цорын ганц хаан Хатан хаан II Элизабетын нэрэмжит болгож өөрчилсөн байна.

2. Цамхаг гүүр

Өөр нэг үзэх ёстой газар бол Цамхагт гүүр юм. Энэ нь гайхалтай байгууламж нь панорама үзэмжээрээ алдартай төдийгүй Темза мөрнөөс 42 метрийн өндөрт байрлах шилэн шалаар Лондонгийн өдөр тутмын амьдралыг харах боломжтой.

3. Лондон хот

Лондон хотод байрлах орчин үеийн тэнгэр баганадсан барилгууд хотын өнгө төрхийг дахин тодорхойлж, дэлхийн өнцөг булан бүрээс архитектурын шүтэн бишрэгчдийн анхаарлыг татаж байна. Лондон хот нь дэлхийн хамгийн эртний нийслэлүүдийн нэг юм. Харамсалтай нь 1666 онд Лондонд гарсан их түймрийн дараа болон Дэлхийн 2-р дайны үеэр бөмбөгдөлтөд өртсөний улмаас хоёр удаа сүйрч дахин сэргээгдсэн байна.

4. Лондонгийн Хятад хороолол

Нутгийн иргэд болон жуулчдын үзэх дуртай Лондон хотын хамгийн сонирхолтой газруудын нэг болох Хятад хороолол юм. Хоол сонирхогч, Азийн соёлыг сонирхдог хүмүүсийн анхаарлыг татдаг энэхүү газар нь олон төрлийн гоёл чимэглэл, хоолны ресторануудаараа алдартай. Хэрэв та тус газар луу аялах гэж байгаа бол энэхүү дүүргийн хамгийн том хятад хаалга болох Вардоур гудамжны дөрөв дэх хаалгыг заавал үзээрэй.

5. Лондонгийн Байгалийн түүхийн музей

Лондон дахь Байгалийн түүхийн музей бол жинхэнэ урлагийн бүтээл юм. Энэ газар нь гайхамшигтай дотоод засал, дэлхийд алдартай үлэг гүрвэлийн галерей, чимээгүй диско үдэшлэг, йогийн хичээл гэх мэт өвөрмөц арга хэмжээнүүдээрээ ямар ч хүнийг алмайруулдаг. Таазнаас өлгөөтэй цэнхэр халимны араг яснаас эхлээд дэлхийн өөр хаана ч байхгүй содон зүйлсийг эндээс харах боломжтой.

6. Долоон эгч дүүс хадан цохио

Лондонд очсон даруйдаа Английн зүүн өмнөд хэсэгт байрлах Ла-Маншийн эрэг дээрх шохойн чулууны өнгөтэй Долоон эгч дүүс гэх содон нэртэй газрыг үзэхийг зөвлөж байна. Далайн элэгдэлд өртөж байгалийн өвөрмөц тогтоц бүрэлдсэн энэхүү сонирхолтой газраар явган аялал хийх нь танд мартагдашгүй дурсамжыг өгөх болно.

7. Нуур дүүрэг

Энд та гайхамшигтай ландшафтуудыг үзэж, Английн хамгийн том үндэсний цэцэрлэгт хүрээлэнтэй танилцаарай. Аялал жуулчлалын алдартай газар болох Нуурын дүүрэг нь тунгалаг нуурууд, өндөр уулс, явган аялалын гайхалтай замуудаараа алдартай.

Нуурын дүүрэг нь Уильям Уордсворт, Беатрикс Поттер, Жон Рускин зэрэг агуу зохиолчдод онгод өгсөн бөгөөд тэдний амьдралын талаар суралцах боломжтой түүхийн баялаг өвийг хадгалсан байдаг.

8. Стоунхенж

Стоунхенж нь Вилтшир дэх Солсберигийн тэгш тал дахь эртний дурсгалт газар бөгөөд Английн хамгийн алдартай археологийн дурсгалт газруудын нэг юм. Энэхүү байгууламж нь тойрог хэлбэрээр байрлуулсан, холбогч чулуугаар бүрхэгдсэн асар том босоо чулуунуудаас бүрдэнэ. Чулууг чухам яагаад, ямар шалтгаанаар тэнд байрлуулсан талаар шинжээчид одоог хүртэл нэгдсэн дүгнэлтэнд хүрч чадаагүй бөгөөд нууц хэвээр байна. Археологичид үүнийг барихад 1000 жил зарцуулсан гэж үздэг. Стоунхенж нь дэлхийн хамгийн ариун дагшин газруудын нэг одоо ч хэвээр байна.

error: Мэдээлэл хамгаалагдсан !!